युएईमा समस्यामा परेका थप एक सय ४६ जना नेपाली आज नेपाल फर्किए

कोरोनाभाइरसको महामारीका कारण युएईमा समस्यामा परेका थप एक सय ४६ जना नेपाली आज नेपाल फर्किएका छन् । नेपाल एयरलाइन्सको आर– ए २२९२ मार्फत युएईको दुबई बिमानस्थलबाट आज बिहान एक सय ४६ जना स्वदेश फर्किएका हुन्।

आज फर्कनेहरुमा फ्लेक्स फेसेलिटी म्यानेजमेन्ट्का १ सय २० जना, सिटीमेड फेसेलिटी म्यानेजमेन्ट्को १० जना, इमिरेट्स क्यावको ६ जना, २ जना गर्भवती, ५ जना बिमारी र ३ जना भिसिट भिषामा विचल्लीमा परेकाहरु रहेका छन ।

उनीहरु रोजगारदाताले दिएको टिकट र कोही आफ्नै खर्चमा नेपाल फर्केका हुन् । उनीहरुलाई विमानस्थलमा नै निःशुल्क कोभिड–१९ परीक्षण गरिएको थियो । उनीहरु दूतावासको प्राथमिकतामा परेका पीडितहरु हुन् ।

उनीहरुको सहजीकरण र बिदाइको निम्ती नेपाली दूतावासका आबुधावीका श्रम सहचारी मोतिराम भुसाल, श्रम काउन्सिलर निर्मला थापा, जनसंपर्क अधिकृत इरफान आलम र सहदेव गिरी दुबई विमानस्थल पुगेका थिए । साथै, गैरआवासीय नेपाली संघ (एनआरएनए) मध्यपूर्व उप संयोजक मनोज कुमार श्रेष्ठ गोर्खाली एनआरएनए युएईका उपाध्यक्ष पासाङ शेर्पा र कोषाध्यक्ष विकास शाही पनि विमानस्थल पुगेका थिए।

सम्बन्धित खबर

Leave a Reply

Your email address will not be published. Required fields are marked *

×

ताजा अपडेट छिटाे जानुहाेस्

×

ताजा अपडेट छिटाे जानुहाेस्