महा नायकको बिषयमा बिबादित निरुता शिंहले मुख खोलिन

नेपाली फिल्म क्षेत्रमा महानायक को? भन्ने बारे विवाद चर्कियो। कलाकार एवं निर्देशक दीपाश्री निरौलाले राजेश हमाल आफ्ना लागि महानायक नभएको बताए पछि उक्त विषयले सामाजिक सञ्जालदेखि संचार माध्यमहरूमा राम्रै ठाउँ ओगट्यो। दीपाश्रीविरुद्ध आम मानिस उर्लिए। राजेश हमाल स्वयंले भिडियो सन्देशमार्फत् दीपाश्रीलाई ‘माफी दिन’ आग्रह गरेपछि विवाद केही साम्य भएको थियो।

यसैबीच अभिनेत्री निरुता सिंहले शनिवार फेसबुक पोस्ट मार्फत्‍ भूवन केसीलाई आफ्नो ‘सपनाको महानायक’ भन्दै यौनजन्य दूर्व्यवहारको आरोप खेपिरहेका केसीसँगै आफू फिचर्ड गीतको भिडियो हालेपछि फेसबुक प्रयोगकर्ताले उनीविरुद्ध प्रतिक्रिया जनाएका थिए ।

उक्त पोस्टको बिबाद पछी फेरी निरुता शिंहले आफ्नो फेसबुकमा लामो स्टाटस पोस्ट गर्दै ९ बुँदे स्पष्टिकरण दिएकी छन । उनले आफूले अभिनेता भुवन केसीलाई कहिल्यै महानायकको उपाधि नदिएको र पक्ष पनि नलिएको बताएकी छन् । निरुताले राजेश हमाललाई नै आफूले पनि ‘महानायक’ मान्ने बताएकी छिन् ।

‘एउटा कलाकारको नाताले के मलाई मेरो अग्रज दाइ अनि दिदीहरुलाई सम्मानपूर्वक उपाधि दिने अधिकार पनि छैन र ?’ निरुताले अगाडि लेखेकी छन् ‘मेरो लागि सबै अग्रज कलाकार नै महानायक हुन्, जसले हाम्रो सानो नेपाली चलचित्र क्षेत्रलाई यहाँसम्म पुर्‍याउनका लागि आफ्नो कलाको योगदान दिनुभएको छ ।’

निरुताले राजेश मात्र होइन आफ्ना लागि भुवन केसी, शिव श्रेष्ठ, हरिवंश आचार्य, मदनकृष्ण श्रेष्ठ, नीर शाह आदिलाई महानायक र बसुन्धरा भुषाल, भुवन चन्द, करिष्मा मानन्धर, गौरी मल्ल, मिथिला शर्मा महानायिका भएको बताएकी छन् ।

९ बुँदाको रुपमा आफ्नो भनाइ राखेकी निरुताले कसैलाई सम्मान गरेर महानायक, महानायिका, सुपरस्टार वा मेघास्टारको उपाधि दिनु आफ्नो नितान्त विचार रहेको समेत बताएकी छन् । उनले दर्शकका लागि सम्मान समेत प्रकट गरेकी छन् ।

उनको स्टाटस यस्तो छ :-
मलाई अचम्म लागेको अनि मैले बूझ्न नसकेको कुरा –
न:१- मैले कहा र कहिले यो लेखेको छु कि मेरो लागी महानायक राजेश हमाल हैन भुवन केसी हो भनेर ?????
न:२- मैले मेरो स्टैट्स मा आज को कुरा लेखेको हैन , मैले त्यो बेलाको कुरा लेखेको हो जुन बेलामा राजेश दाईले पनि नेपाली चलचित्र जगतमा पाइला राखेको थिएन ….. जुन बेलामा मैले भुवन केसी को सिल्वर जुबली चलचित्र कुसूमे रुमाल, सम्झना, साईनो लगायत अन्य चलचित्रहरू हेरेको थिएँ…..
न:३- मैले त्यो बेलाको मेरो “सपनाको महानायक” भनेर सुद्ध नेपाली शब्दमा लेखेको थिए….. ” मेरो सपनाको महानायक ” यो शब्द को मतलब हाम्रो नेपाली दाजु भाई अनि दीदी बहिनीहरूले नबुझे कै हो त ??????
न: ४ – अब कुरा गरौं महानायक को …. मेरो लागी पनि महानायक राजेश हमाल हो ….. अनि म राजेश दाई लाई सम्मान गर्छु ……
न: ५- म नेपाली चलचित्र को एउटा कलाकार को नाताले के मलाई मेरो अग्रज दाई अनि दीदीहरू लाई सम्मान पूर्व उपाधि दिने अधिकार पनि छैन र ??????
मेरो लागि ति सबै अग्रज कलाकारहरू नै महानायक अनि महनायिका हुन जसके हाम्रो स्यानो नेपाली चलचित्र छेत्र लाई यहाँ सम्म पुराउनु को लागी आफ्नो कलाको योगदान दिनु भएको छ…….
तेसैले मेरो लागी राजेश हमाल लगायत भुवन केसी, शिव श्रेस्ठ, हरिवंश आचार्य,मदन कृष्ण श्रेस्ठ, नीर शाह दाई आदि कलाकार हरू पनि महानायक नै हुन…….
तेसरि नै हाम्रो पहिलो नायिका भुवन चंद दिज्ज्यु , बसुंधरा भुसाल दिज्ज्यु , करिश्मा मानन्धर, गौरी मल्ल,मिथिला शर्मा दीदी आदि कलाकारहरू पनि महनायिका हुन ……
यदि म कसैलाई श्रद्धा गरेर महानायक,महानायिका,सूपरस्टार,मेघास्टार या कुनै पनि उपाधि दिउ ……. त्यो मेरो नितांत निजी बिचार हो ……त्यो मेरो बिचार न त म कसैको माथि थोप्न सकछु न त कसैले मेरो त्यो श्रद्धा लाई म बाट छिन्न सकछ ………. हामी सबै स्वतंत्र छौ आफ्नो बिचार ,सोच अनि श्रद्धा दर्शावन को लागि ……….
न:६- मलाई कति जनाले कमेंट्स लेख्नु भएको रहेछ कि मलाई अब फलो गर्दिन अनि मेरो फ़ैन फ़ालोइंग घटछ भनेर…….अनि भुवन केसी ले मलाई फ़िल्म मा काम दिनछ भनेर मैले भुवन केसी को चमचागिरी गरेको अरे …….
म वहाँ हरू लाई भन्न चाहनछु कि म नेपाली चलचित्र देखी टाँडा रहेको धेरै वर्ष भई सक्यो……. अनि मैले नेपाली चलचित्र मा काम गर्नको लागि आज आएर क़सैको चमचागिरी गर्नु ज़रूरी नै छैन ….. मैले मेरो नेपाली चलचित्र उद्धयोगलाई मेरो जीवनको अमुल्य २७ वर्ष को योगदान दिई सकेको छु………तेसैले मलाई साचो मन ले माया गरेर मेरो भावनाको क़दर गर्ने मेरो समझदार ,माननीय, पूजनीय अनि ढोगनिय १ मात्र दर्शक,फ़ैन पनि काफ़ी छ मेरो लागि …………
न:७- मलाई आज सम्म माया अनि सम्मान दिनु हुने साथै मैले भन्न खोजेको कुराको सही मतलब बुझी दिनु हुने मेरो सम्पूण समझदार,माननीय,पूजनीय अनि ढोगनिय दर्शक,फ़ैन हरूमा म निरूता सिंह दुई हाथ जोड़ी हृदय देखी नै धन्यवाद टक्राउदछु ………..
न:८- अंतमा क़सैको स्टैट्स लाई राम्ररी नपड़ि,नबुझी त्यो स्टैट्स ले भन्नै नखोजेको कुराको जब्बरजस्ति ग़लत मतलब निकालेर यो नै भन्न खोजेको भनेर गाली गर्नु कुनै पनि हिसाबले उचित हो जस्तो मलाई लागदैन ……. भलै त्यो स्टैट्स मेरो कुनै दुश्मन कै किन नहोस……
न:९- आज सारा बिश्व कोरोना महामारी संग लड़ी रहेको छ……… भोली के हुनछ कसैलाई थाहा छैन तर यहाँ हामी भने महनायक को शीर्षक को लड़ाई मा नै अल्झी रहेका छौ……भगवान श्री पशुपतिनाथ ले हामी सम्पूर्ण नेपालिहरूलाई सतबुद्धि दियुन…..दुई दिनको यो छोटो जिंदगिमा सबै मिली जुली रहने अनि एक अर्का को भावना को क़दर गर्ने बिचार सबैमा जगाई दियून……
जय श्री पशुपतिनाथ🙏🙏🙏🙏🙏जय नेपाली चलचित्र🙏🙏🙏🙏🙏जय नेपाली कलाकार🙏🙏🙏🙏🙏 🇳🇵🇳🇵🇳🇵जय नेपाल🙏🙏🙏🙏🙏🇳🇵🇳🇵🇳🇵

निरुता शिंह

सम्बन्धित खबर

Leave a Reply

Your email address will not be published. Required fields are marked *

×

ताजा अपडेट छिटाे जानुहाेस्