चितवनमा भारतसँग जोडिएका सीमा क्षेत्रको सुरक्षाका लागि सशस्त्रका तीन बिओपी थपिँदै

चितवन, १६ भदौ । चितवन जिल्लामा भारतसँग जोडिएका सीमा क्षेत्रको सुरक्षाका लागि तीन बोर्डर आउट पोष्ट (बिओपी) थपिने भएको छ । सरकारले देशभर सीमा क्षेत्रमा सशस्त्र प्रहरीका बिओपी थप गर्ने निर्णय गरेसँगै चितवनमा पनि तीनवटा थप गर्न लागिएको हो ।

माडी नगरपालिका–९ को कान्छी बगई, वडा नं ६ को स्याउलीबास र वडा नं १ को भगेटीमा पोष्ट स्थापना गर्न लागिएको प्रमुख जिल्ला अधिकारी नारायणप्रसाद भट्टराईले जानकारी दिए । उनले सो क्षेत्रको सोमबार स्थलगत निरीक्षणसमेत गरेका छन् ।

अहिले चितवनको माडी नगरपालिकामा तीनवटा मात्रै बिओपी पोष्ट छन् । बाँदरझुला, छरछरे र बाल्मिकी आश्रममा सशस्त्रका अस्थायी पोष्ट रहेको भट्टराईले बताए । एक महिनाभित्र नयाँ पोष्ट स्थापना हुने गरी काम शुरु गरिएको उनले जानकारी दिए । चितवन जिल्लाको भारतसँग ८८ किलोमिटर खुला सीमा जोडिएको छ ।

सशस्त्र प्रहरी बल १७ नं गणका प्रहरी उपरीक्षक दीपककुमार थापाले नयाँ पोष्ट १५ किलोमिटरको दूरीमा स्थापना हुने बताए । उनले भने, “अहिले तीनवटा पोष्ट ३० किलोमिटरको दूरीमा छन्, पहिलो चरणमा तीनवटा पोष्ट थपिएपछि सुरक्षा व्यवस्था मजबुत बनाउन थप मद्दत पुग्नेछ ।” उनले एउटा पोष्टमा ३५ जनाको स्वीकृत दरबन्दी रहेको जानकारी दिए । माडीमा भारतसँगको सिमाना जोडिएको अधिकांश निकुञ्ज क्षेत्र पर्छ ।

यो पनि पढ्नुहोस् :-

कपिलबस्तु, १६ भदौ । कपिलबस्तुस्थित कृष्णनगर सशस्त्र प्रहरी विओपीे पोष्टले करिब पाँच केजी चाँदीका सामग्रीसहित तीन जनालाई पक्राउ गरेको छ । हिजो साँझ ८ बजे भारतीय सीमा क्षेत्रबाट झोलामा लुकाएर ल्याउँदै गरेको अवस्थामा बरामद गरेको सशस्त्र प्रहरीले जनाएको छ ।

उनीहरुको साथबाट २ सय ३० चाँदीका पायल र ४ थान मोबाइल भेटिएको छ । पक्राउ पर्नेमा शिवराज नगरपालिका–५ निवासी आकाश बर्मा, ओमबहादुर घर्ती र आनन्द बर्मा रहेका छन् । कृष्णनगर र भगवानपुरको बीच सिर्सेहवाबाट गस्ती टोलीले चाँदीका सामान ओसार्न प्रयोग गरिएको कारसमेत बरामद गरेको छ ।

सम्बन्धित खबर

Leave a Reply

Your email address will not be published. Required fields are marked *

×

ताजा अपडेट छिटाे जानुहाेस्