करेन्ट लागेर महिलाको मृत्यु

उदयपुर, १५ कत्तिक । त्रियुगा नगरपालिका–२ खैजनपुरमा करेन्ट लागेर एक महिलाको मृत्यु भएको छ । उनको धानमा पानी लगाउनको लागि मोटर सञ्चालन गर्ने क्रममा करेन्ट लागेर मृत्यु भएको थियो ।

करेन्ट लागेर मृत्यु हुनेमा ३८ वर्षीया रीता बुढाथोकी रहेको जिल्ला प्रहरी कार्यालय उदयपुरले जनाएको छ । शुक्रबार बेलुकी ४ः०० बजेतिर धानखेतमा पानी लगाउन मोटर चलाउँदा तत्कालै बुढाथोकीलाई करेन्ट लागेको थियो ।

करेन्ट लागेर बेहोस भई भुइँमा ढेलकी बुढाथोकीलाई उपचारका लागि जिल्ला अस्पतालमा ल्याई उपचार गर्ने क्रममा मृत्यु भएको उदयपुरका प्रहरी प्रमुख भीमप्रसाद दाहालले बताए । बुढाथोकीको करेन्टले शरीरका भित्री र बाहिर अङ्ग जलेर कालो भएको थियो । मृतक बुढाथोकीको शव परीक्षणका लागि जिल्ला अस्पतालमा राखिएको प्रहरीले जनाएको छ ।

सम्बन्धित खबर

Leave a Reply

Your email address will not be published. Required fields are marked *

×

ताजा अपडेट छिटाे जानुहाेस्